آئی یواور ہوٹل ڈیل لونا
ہوٹل ڈیل لونا اس وقت کوریا کا ہائی ریٹڈ ڈرامہ ہے وہیں یہ ڈرامہ ٹھیک ٹھاک مہنگا ہے اس ڈرامے میں منظر کشی کیلئے ایک سے ایک قیمتی اور خوبصورت اشیاء استعمال کی گئ ہیں۔ہوٹل ڈیل لونا نہایت پرتعیش ہوٹل ہوتا ہے جس کی سجاوٹ اور ملازمین کے رکھ رکھائو سے کسی طور وہ پانچ ستارہ ہوٹلوں سے کم نہیں ۔ نیز دیو مالائی کہانی ہونے کے باعث اس میں بے تحاشہ خوبصورت و حقیقت سے قریب ترگرافکس کا استعمال کیا گیا ہے اس ڈرامے کا مختصر تعارف اسی بلاگ پر موجود ہے اور تفصیلی تبصرہ ڈرامے کے اختتام پر پیش کیا جائے گا آج بات کرتے ہیں آئی یو کی۔ اس ڈرامے میں آئی یو کا کردار ایک ایسی لڑکی کا ہے جس نے مشکل زندگی گزاری اوپر سے اسکے ایک گناہ کی سزا کے طور پر امر بھی کر دیا گیا نتیجتا وہ ہزار سال سے زندہ ہے۔ اس ہزار سال کی عکاسی کیلئے آئی یو کی آرائش و زیبائش کا خوب خیال رکھا گیا ہے۔ نہایت غربت جھیل کر اسے نفرت ہوچلی ہے غربت سے اور وقت بتانے کیلئے اسکا مشغلہ خریداری ہے۔ مہنگے لباس و زیورات اسکی کمزوری ہیں ۔ موقعے کی مناسبت سے خوب سنگھار کرنا اسے خوب آتا ہے۔ اسکا دوسرا شوق مہنگی گاڑیاں خریدنا ہے ۔ گاڑیاں بھی ایک سے ایک استعمال ہوئی ہیں مگر آئی یو کے لباس کی کیا بات ہے۔ ہر ہر انداز ہر ہر لباس کیا خوب جچا ہے۔ ماننے کی بات ہے کہ خوب جامہ زیب ہے آئی یو۔ اسکا اس سال کے شروع میں ہی ڈرامہ آیا تھا مائی آہجوشی جس میں انتہا کی غربت سہہ کر میلے پرانے لباس میں گھومتی تھی۔ اور اب یہ ڈرامہ بالکل الٹ ۔ اور دونوں ہی ڈراموں میں آئی یو نے کیا خوب نبھایا ہے کردار۔ غریب لگتی تھی تو کیا غربت جھلکتی تھی چہرے کے تاثرات سے اب امیر بنی ہے تو کیا امارت رعب اور تفاخر جھلکتا ہے ۔ زیل میں کچھ تصاویر ہیں جو آئی یو کی بے پناہ حسن اور تمکنت کے امتزاج کی کیا خوبصورت عکاس ہیں۔ ابھی اس ڈرامے کی 10 اقساط ہو چکی ہیں اب تک کی کہانی میں ہر ہر قسط میں آئی نے ایک مرتبہ تو ضرور چونکایا ہے۔ اگر یہ کہا جائے کہ اس ڈرامے کی کہانی آئی یو کے گرد گھومتی ہے تو بے جا نہ ہوگا۔ ہیرو کا کرداز ایکدم سادہ ہے جبکہ آئی یو کا کردار اتنے اتار چڑھائو سے گزرتا ہے کہ اگر آئی یو کی اداکاری کمزور پڑتی ہے تو ڈرامے کا حسن جاتا رہے گا
by Desi Kimchi #kdramas #koreancelebrities #Desikimchi #Pakistanikdramafans
دھوپ سینکتے ہوئے بھی خوب انداز سے نگوں جڑی بندوق تک دیکھنے کے قابل ہیں یہ تصاویر